أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الصفحة الرئيسية » المكتبة الأدبية المهدوية » الشعر الشعبي » صلوات صلوات عله الإمام المنتظر
 الشعر الشعبي

المقالات صلوات صلوات عله الإمام المنتظر

القسم القسم: الشعر الشعبي الشخص الكاتب: عبد الخالق المحنة تاريخ الإضافة تاريخ الإضافة: ٢٠١٧/٠٨/٢١ المشاهدات المشاهدات: ٢٧ التعليقات التعليقات: ٠

صلوات صلوات عله الإمام المنتظر

السيد عبد الخالق المحنة

صلوات صلوات

سلامات سلامات

علامات علامات

 

عله الإمام المنتظر

يرجع بعد طول السفر

نحسب له كل لحظة بشهر

     

إلهي يا إلهي متى الغايب يجيبنه
أغوص ببحر الهموم وأنا أشواقي سفينه
إلهي عجّل أمره يا رب اعطف علينه
بقينه نحسب أيام و لا يرجع ولينه

والأيام والأيام

صلوات صلوات

صفه الحال صفه الحال

صلوات صلوات

 

عشناها من مُرلـْ أمر

على الإمام المنتظر

حال الطيور ابلا شجر

على الإمام المنتظر

     

همت والدنيه لحظات لجن طالت علَيّه
حياتي دمعة غروب تندبك كل مسيه
أشوفك بالسما بعيد مثل نجم الثريه
و أشوفك مرة بالقاع و أنادي عود إليّه

صحت آه صحت آه

صلوات صلوات

متى تعود متى تعود

صلوات صلوات

 

من غيبتك قلبي انكسر

على الإمام المنتظر

وتبدل الظلمة بقمر

على الإمام المنتظر

     

دعاء الندبة آهات و أنا و دمعي قريته
وأحس جروحي تقراه إذا مره نسيته
يا إلهي جفي مرفوع دُعا الضايع دعيته
أموت ودمعتي اوياي تخبره شقد هويته

عله النار عله النار

صلوات صلوات

والأعياد والأعياد

صلوات صلوات

 

أنتظره والشوق انتظر

على الإمام المنتظر

بغيابه عاشور وصفر

على الإمام المنتظر

     

إلهي كُن لمولاي دليل وعجّل أمره
نريده قائد يصير على الظالم انصره
يا رب اهلال الأفراح نريد نشوفه مره
غزل بعيوني و احساس جماله من أنظره

والإحساس و الإحساس

صلوات صلوات

والعتاب و العتاب

صلوات صلوات

 

يسأل حبيبك ما ظهر

على الإمام المنتظر

عاتبته من صبري اعتذر

على الإمام المنتظر

 

     

إلك بعيوني دمعات تصب نار اعله جرحك
ضعت والدنيه بس ليل تعال اسقيني صبحك
قريب اعليّ حسيت أحس شوقي يلمحك
أتيه بعالم الآه جبل هم اعله جنحك

أحن ليك أحن ليك

صلوات صلوات

والأشواگ والأشواگ

صلوات صلوات

 

وشموعي غرقها النهر

على الإمام المنتظر

شوق الصحاري للمطر

على الإمام المنتظر

     

على رموش المسافات حلم أعجز أوصفه
تبات بروحي حسرات و أنام و بيه لهفه
مثل بتاره ملهوف تمنه يلزمه جفه
يـَإلهي وعيسه مأموم أشوفه يصلي خلفه

وأناديه و أناديه

صلوات صلوات

والأحلام والأحلام

صلوات صلوات

 

أهلاً يـَبن سيد البشر

على الإمام المنتظر

تتحقق بلمحة بصر

على الإمام المنتظر

     

فرح بستان الورود عرف جيتك قريبه
حبيب بدنيته يريد فقط شوفة حبيبه
حلم أخضر رسمناك على جناح المصيبه
نسيم الشوق مر بيه خبر عاجل تجيبه

يـَمعبود يـَمعبود

صلوات صلوات

همت بيه همت بيه

صلوات صلوات

 

من فرگته ذاب الحجر

على الإمام المنتظر

وجفوني تعّبها السهر

على الإمام المنتظر

     

نهر والدنيه صحراء أنا جروحي عطاشه
أحس بفرگتك سيف جبل صبري تلاشه
حملت هموم الفراگ على جناح الفراشه
و أنادي سيدي الغوث يمن ما تنسه حاشه

يجي اليوم يجي اليوم

صلوات صلوات

محطات محطات

صلوات صلوات

 

تشرح لك دموع النظر

على الإمام المنتظر

صار العمر دمعة وسفر

على الإمام المنتظر

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *
 

Copyright© 2004-2013 M-mahdi.com All Rights Reserved