أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات يمته ثارك وإنتصارك

القسم القسم: الشعر الشعبي الشخص الكاتب: عبد الخالق المحنة تاريخ الإضافة تاريخ الإضافة: ٢٠١٧/٠٨/٢١ المشاهدات المشاهدات: ٢٨ التعليقات التعليقات: ٠

يمته ثارك وإنتصارك

السيد عبد الخالق المحنة

يمته ثارك وإنتصارك

تتويجك ابهاليوم

 

ليله ليله بإنتظارك

يا ناصر المظلوم

يمته ثارك

 

 

 

توجك رب الجلاله تاجك و بإسمك تسمه
يا إمام الكون كله و خاتم انوار الأيمه
أمل كل مظلوم إنت والشمل شوفك يلمه

نتأمل إهلالك يهل

دمعة غيابك من تهل

دمعي دمعي يبقه يدعي

طبع الظلم ميدوم

 

وبشوفتك لم الشمل

عاصفه وجرحك تلجمه

وبغيابك هذا وضعي

يا ناصر المظلوم

يمته ثارك

 

 

 

الرعيه إتريد حاكم يحكم إبنهج الإمامه
يعطف إعله الراد عطفه ويمسح إدموع اليتامه
يشعر إبكسر الخواطر ويجبر الخاطر كلامه

ملينه من كثر الظلم

ذبحونه بشهور الحرم

يا أملنه كل فعلنه

خلص عمرنه إهموم

 

ظلمونه من حكم الحكم

يقتضي كرسي الزعامه

إحنه بيهم ما قبلنه

يا ناصر المظلوم

يمته ثارك

 

 

 

دمعة الشكوه ذليله تجرح النفس الأبيه
بس إلك يالمهدي تفرق و إنت بن سيد البريه
لو حجينه إبحقنه صاحوا هاي فتنه طائفيه

والمنه بينه للأسف

وكت البدع والما عرف

حاربونه فجرونه

بيت الصبر مهدوم

 

ميت ضميره وإنجرف

يبتلي إبدم الزجيه

بس أبد ما غيرونه

يا ناصر المظلوم

يمته ثارك

 

 

 

ثورة المختار فرحه طيبت جرح الفواطم
ننتظر يومك يمهدي نبقه نحسب لك علايم
عالنهر رايه تركها الثورتك بدر الهواشم

ويانه تحسب رايتك

سيفك إشهره إبغيرتك

تدري بينه ما نسينه

طير المصاب إيحوم

 

يالمهدي وينك نادتك

لا يظل إبغمده نايم

مل صبرنه وما تجينه

يا ناصر المظلوم

يمته ثارك

 

 

 

ثورتك تبديها بالطف هذا يالمهدي النريده
إتوضه من دمعة رقيه وإقسم إبدمعة حميده
ينشرح قلب أبو اليمه لو شلت راية عضيده

 

 

 

ما ينفع اليوم العذر

والماخذ حره يسر

تبقه جمره وإنت أدره

يبقه القلب ملجوم

 

راويهم إنجوم الظهر

إنت بيدك إقطع إيده

يا بو صالح ثوره ثوره

يا ناصر المظلوم

يمته ثارك

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *
 

Copyright© 2004-2013 M-mahdi.com All Rights Reserved