أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات أنا الملهوف... تعال وشوف

القسم القسم: الشعر الشعبي الشخص الكاتب: عبد الخالق المحنة تاريخ الإضافة تاريخ الإضافة: ٢٠١٨/٠٢/١٥ المشاهدات المشاهدات: ٢٦٩ التعليقات التعليقات: ٠

أنا الملهوف... تعال وشوف

السيد عبد الخالق المحنة

أنا الملهوف

تعال وشوف

تمر إسنين لحظاتك

 

تعال وشوف

أنا الملهوف

أظل أحسب علاماتك

تعال وشوف

 

 

 

يغايبنه تعال وشوف ولو بعض الحجي إيزعلك
حي إنت وتشوف الحال ما يحتاج أشرح لك
يغايب يا جرح ياذيك هاي الرافضه إتسألك
يسيف النايم إبغمدك على يا موزمه إنسلك

دموع العين

تسألك وين

يمن ما تنسه ثاراتك

 

تسألك وين
دموع العين
أظل أحسب علاماتك

تعال وشوف

 

 

 

أمشي إعليك ضلع أمك لا تزعل يمهدينه
إذا بيتك يهدمونه بعد يا بيت يحمينه
لأن ساكت يسيف الموت يصير أكثر بعد بينه
وإقصد للبقيع وشوف حقد الناصبه إعلينه

سكوتك طال

صعب هالحال

تعال وشوف شماتك

 

صعب هالحال
سكوتك طال
أظل أحسب علاماتك

تعال وشوف

 

 

 

صوت المحسن إيناديك عليك إنشبحت أنظاري
إخذ إبثار عبدالله قبل لا تآخذ إبثاري
يمهدينه إنذبح عطشان وإيشوف النهر جاري
إذا ما تطفي نار إضماه تظل ما تنطفي ناري

أدير العين

أسألك وين

ترف يا يوم راياتك

 

وأسألك وين
أدير العين
أظل أحسب علاماتك

تعال وشوف

 

 

 

يالمهدي ولا غيرك حبيب وعيني تنتظره
مته المعبود يرحمنه وأشوفك سيفك إتشهره
يغايب والمثل حالي يعاتب شخصك إتعذره
أحس إبضربة المسمار وأسمع صرخة الزهره

ضلع مكسور

دمع مجمور

معاناتي معاناتك

 

دمع مجمور
ضلع مكسور
أظل أحسب علاماتك

تعال وشوف

 

 

 

تصيح إجروح سامره يغايب ليش ما تفزع
العدل يالمهدي مهما غاب تخلص غيبته ويرجع
وإحنه اليا وكت نبقه نندبك والخصم يسمع
يقلي وين مهديكم إذا موجود خل يطلع

خرافه إيقول

ولا معقول

تظل تنزف جراحاتك

 

ولا معقول
خرافه إيقول
أظل أحسب علاماتك

تعال وشوف

 

 

 

مته يا غيرة الكرار سيفك بالزعل ينسل
كلمن يضد داحي الباب يبوس أجدامك ويندل
كل متكبر وظالم يجيك إيقوم يتوسل
عليك إبنحر عبدالله إذا منهم عذر تقبل

تصفي إحساب

تحز إرقاب

إلك مشتاقه ساحاتك

 

تحز إرقاب
تصفي إحساب
أظل أحسب علاماتك

تعال وشوف

 

 

 

يمهدي الدنيه لو مالت بس سيفك يعدلها
وتدري إبراية العباس بس جفك يلوق إلها
إخذها وصيح يا زينب صول إبهمتك كلها
إطلب ثار إخت عباس خل يرتاح كافلها

تصول إجروح

عله المذبوح

عله الميزان ضرباتك

 

عله المذبوح
تصول إجروح
أظل أحسب علاماتك

تعال وشوف

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016