أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات نظرنه اعله الدرب ليل إنهار

القسم القسم: الشعر الشعبي الشخص الكاتب: السيد سعيد الصافي تاريخ الإضافة تاريخ الإضافة: ٢٠١٨/٠٢/١٥ المشاهدات المشاهدات: ٣٨٣٨ التعليقات التعليقات: ٠

نظرنه اعله الدرب ليل إنهار

السيد سعيد الصافي

نظرنه اعله الدرب ليل إنهار

خلص ليل الصبر

 

يجينه ابيا وكت راعي الثار
متى يطر الفجر

راعي الثار

 

 

 

لابد من بعد كل ليل نتنطر فجر يطلع

تبزغ بالأمل شمسه وباب الخير يتشرع

كل ليله التمر واحنه للشر والغدر مطمع

إنبات ودم مناحرنه لسيوف الحقد مرتع

صبر بين الرجه وبين الخوف

ابخطر جبنه العمر

 

ولا ندري اشبعد راح انشوف

متى يطر الفجر

راعي الثار

 

 

 

دعاء المضطر المهموم ندعي الباري كل ليله

من التدعي الإسلام شكوت ألم نشكي له

جف الفاجر إيريدون من أهل الشرف تقبيله

وإذا رايد تعيش ابخير عيش ابمكر وبحيله

يذل راعي الوفه اشلون ايصير

صعب هذا الأمر

 

يظل مخلص لون راسه ايطير

متى يطر الفجر

راعي الثار

 

 

 

الأصيل المن صلب طاهر ماحد يقدر يذله

ومن طبعه ابعسر دنياه ابثوب الصبر يتحله

يجوع ويعطش ويعره وعليه ما تظهر الخله

و كلما يكثر الباطل ابنور العدل يتجله

زمان أهل الظلم وله وراح

إنكشف دور الغدر

 

كراسيهم بقت بس أشباح
متى يطر الفجر

راعي الثار

 

 

 

اليسأل شنهي مطلبنه ويريد ايشوفه ويعرفه

ليش المهدي ننتظره كل يوم اليجي ابلهفه

بينا امن الزمان اجروح بغير الثار ما تشفه

وجمرتنه المصاب الحسين ما تبرد ولا تطفه

على امصابه جمر تبجي العين

إلى يوم الحشر

 

ولا يشفه أبد جرح حسين
متى يطر الفجر

راعي الثار

 

 

 

نريده الكربله يقصد ابدمعة عين سجابه

وقوم الداروا اعله حسين يصفي اوياهم احسابه

ويسأل ليش المثلث جبد المصطفه صابه

وليش امن القفه ذبحوه وهم سلبوا اثيابه

يصيح ابيا ذنب من ذبحوه

عطش جبده جمر

 

من الماي العذب ما رووه
متى يطر الفجر

راعي الثار

 

 

 

يوقف يم قبر جده يصيح ابلوعه يا مظلوم

يجدي الكربله اتعنيت أريد الثار هذا اليوم

يقله فوق صدر حسين رضيعه البلسهم مفطوم

طفل وياكم اشجاني من الماي إنذبح محروم

جرمكم ما جره ابيوم وصار

طلب وقعة بدر

 

بغض هذا العلي حامي الجار

متى يطر الفجر

راعي الثار

 

 

 

يغايبنه وبعد منك عدهم شيعتك مطلب

نروح اوياك لرض الشام ننشد عمتك زينب

مصيبة عمتك عندك من كل المصاب أصعب

ننشدها اعله غربتها قلبها البسبي إتصوب

تصيح امروتك يا عباس

كسر قلبي الأسر

 

يخويه امن الهضم شاب الراس

متى يطر الفجر

راعي الثار

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016