أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات يغايب نعتب بآهات وبحسره

القسم القسم: الشعر الشعبي الشخص الكاتب: السيد سعيد الصافي تاريخ الإضافة تاريخ الإضافة: ٢٠١٨/٠٢/١٥ المشاهدات المشاهدات: ٣٢٧٤ التعليقات التعليقات: ٠

يغايب نعتب بآهات وبحسره

السيد سعيد الصافي

يغايب نعتب بآهات وبحسره

ننخاك يا سيدي

 

ولا قلبك نفذ يبن الحسن صبره

بحماك يا سيدي

 

 

 

يغايبنه ننشدك والدموع اجبود

كل غايب نقول ومن غيابه يعود

وانت ابيا وكت تلفينه يالموعود

والمثلك لزوم ايعجل بأمره

 

ولا قلبك نفذ يبن الحسن صبره

 

 

 

بيد الباري أمرك ندري تقديره

لجن حقه العتاب الطايح ابحيره

عمر قضينه ننتظرك يبو الغيره

تقوم إتطالب ابثار أمك الزهره

 

ولا قلبك نفذ يبن الحسن صبره

 

 

 

إقصد للبقيع وأمك إنشدها

إصواب العين كسر الضلع ضاهدها

وشوف أم الحسن يا مطلب العدها

بعد كسر الضلع يا كسر التجبره

 

ولا قلبك نفذ يبن الحسن صبره

 

 

 

قلب أمك يغايب تدري كله اجروح

نريدك تقصد اوياها تون واتنوح

أظن أكثر مناحتها عله المذبوح

تون إعله السليب الهشموا صدره

 

ولا قلبك نفذ يبن الحسن صبره

 

 

 

يا هو المن هلك يالمهدي يا مظلوم

قضه وبين الذبح يا وسفه والمسموم

ما بين المصايب شيعتك لليوم

تنظرك ابدمعها اليهل والعبره

 

ولا قلبك نفذ يبن الحسن صبره

 

 

 

بعد كافي الصبر يا من إلك ثارات

جرب صارمك قوم إنشر الرايات

دنيتنه فتن يالغايب وغايات

حالتنه يبن عقد الوله خطره

 

ولا قلبك نفذ يبن الحسن صبره

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016