أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات دمي عالنهر مسفوح

القسم القسم: الشعر الشعبي الشخص الكاتب: هيثم سعودي الكربلائي تاريخ الإضافة تاريخ الإضافة: ٢٠١٩/٠٣/٢٧ المشاهدات المشاهدات: ٣١٩٨ التعليقات التعليقات: ٠

دمي عالنهر مسفوح

هيثم سعودي الكربلائي

دمي عالنهر مسفوح

راية وجود

ياموعود

 

والناظر الك مشبوح
تبگة شهود

يا موعود

 

 

 

على جرف النهر مرمي واحس بيه الأجل يحدي
أنه بالحال واتذكر كلام المصطفى جدي
يجي مصلح يصفيهه ويطالبهه بقتل ولدي
وانه ابن النبي الهادي انه العباس يالمهدي

ابث هموم يالمحجوب

انه المعقود

يا موعود

 

كل موقف يشب گلوب
وبيك ايعود

يا موعود

 

 

 

بالطف من نصبت خيام واجهنه لهيب الحر
بدت نار العطش تسري گلوب اطفال والخدر
مواقف صعبة يالمهدي على يا موقف اتصبر
حرب واطفال عطشانه لهيب الصيف واهل الشر

اطفالي تهل ادموع

نهر مسدود

يا موعود

 

والماي العذب ممنوع

تحرسة جنود

يا موعود

 

 

 

حملت الجود للشاطي علية الجيش يتجمع
شلون الجيش يرهبني وابوية المرتضى الأنزع
اجندل زمرة عل يمنة على يساري حشد يطلع
يمهدي وما يصدني الجيش لو ما چفي يتگطع

لو ما گطعت الچفين

ارد اردود

يا موعود

 

والسهم النبت بالعين
اصد حشود
يا موعود

 

 

 

بذلت عالشاطي مجهودي لكن تسعر الآمي
بگطع چفي وسهم عيني وعمود اللي طبر هامي
نسيت اللي جرة علية وتصد عيني على خيامي
ارد شلون وارويهه وانا عالمشرعه دامي

اوكفت محتار يالمهدي

گطيعه زنود

يا موعود

 

بدليلي النار يالمهدي
اثر عامود
يا موعود

 

 

 

تصد عيني على خيامي ودمي عالنهر جاري
وياريت العطاشا تشوف حالي وتقبل اعذاري
نار اطفالي ما تطفة وانه ما تنطفي ناري
ألآ من تسل سيفك يمهدي وتاخذ بثاري

عيني شابحه لسيفك

علية عهود

يا موعود

 

گوم انهض وخذ حيفك
بذل مجهود
يا موعود

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016