أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » مانسيتك ياحبيبي مانسيتك
 الشعر الشعبي

المقالات مانسيتك ياحبيبي مانسيتك

القسم القسم: الشعر الشعبي الشخص الكاتب: عمار العيساوي الكربلائي التاريخ التاريخ: ٢٠١٨/٠٣/٢٨ المشاهدات المشاهدات: ١٣٦٩ التعليقات التعليقات: ٠

مانسيتك ياحبيبي مانسيتك

عمار العيساوي الكربلائي

مانسيتك ياحبيبي مانسيتك

بأربعينك من اجيت

 

اليوم اجيتك ياحبيبي اليوم اجيتك

نسيت عمري ومانسيت

 

 

 

مانسيتك بالزغر عشنه سوه
وانه بأسمك چنت اشتم الهوه
والجروحي انته يحسين الدوه
وانته لعيوني يبو الاكبر ضوه

انته روحي ياحبيبي انته روحي

بلسم وبأسمك شفيت

 

والجروحي ياحبيبي والجروحي

نسيت عمري ومانسيت

 

 

 

خويه شنسه الماضي شنسه من امس
من چنت يحسين انامن بالشمس
توگف ابظل الشمس عن لا احس
لو يصير اتبادل وياك النفس

روحي دونك ياحبيبي روحي دونك

انطي ألها عيوني ريت

 

والعيونك ياحبيبي والعيونك

نسيت عمري ومانسيت

 

 

 

بأربعينك خويه هايج چم جرح
مانسيت ابيوم عفتك منذبح
من اليسر ياحال يمك ينشرح
وانته تدري اخلافك شيجره ويصح

شيجره بينه ياحبيبي شيجره بينه

عالارض لمن هويت

 

وانولينه ياحبيبي وانولينه
نسيت عمري ومانسيت

 

 

 

ياحبيبي الروح چانت ترتجي
بالطفوف الگاك ناطرني اجي
شفت گبرك صحت روحي اتفرجي
بالگبر مدفون اخيچ صدگي

آنه اختك ياحبيبي آنه اختك

شمعة سنيني طفيت

 

من فگدتك ياحبيبي من فگدتك

نسيت عمري ومانسيت

 

 

 

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017