أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات يا عباس يا ضوه عيوني

القسم القسم: الشعر الشعبي الشخص الكاتب: السيد سعيد الصافي التاريخ التاريخ: ٢٠١٨/٠٨/٢٦ المشاهدات المشاهدات: ١٧٠٧ التعليقات التعليقات: ٠

يا عباس يا ضوه عيوني

السيد سعيد الصافي

يا عباس يا ضوه عيوني

 

يا عباس رجعت ضعوني

يا عباس عاين امتوني

 

 

 

وياك اجيت من الوطن يا خويه وانت الوالي
ويا با الفضل طول الدرب صبح ومسى تبرالي
كلسا تنوخ ناگتي تنشدني عن احوالي
وما ترضى طير البالسما لمن يشوف خيالي

يالمعروف صاحب الغيرة

 

كوم وشوف زينب بحيرة

يا عباس عاين امتوني

 

 

 

ياخويه لو گلبي جبل يتهدم من الحسرة
ايوب لو مثلي ابتلى يجزع وينفذ صبره
وياك اجيت بهيبتي لمن رجت متيسره
من ركبوني على الهزل خنگتني خويه العبرة

صحت بصوت من يباريني

 

ريت الموت خويه يلفيني

يا عباس عاين امتوني

 

 

 

شحچيلك بحالي شجرى لمن وصلت الكوفة
انه العقيلة ام الخدر بت حيدر المعروفة
جاراتي ما چانت قبل تگدر خيالي تشوفه
يابا الفضل فرجة اصبحت وعلى الهزل مجتوفه

والانظار ليه مشبوحه

 

وقلبي احتار نزفت جروحه

يا عباس عاين امتوني

 

 

 

وللشام ظعني من گطع هاجت جميع آلآمي
ما طبك جفني ولا هجع گلبي الذبيح الدامي
ياخويه راسك عالرمح طول الدرب جدامي
مثل المطر دمعي نزل لمن ذكرت ايامي

طيف وراح وانتهى خدري

 

يوم الطاح عالنهر ذخري

يا عباس عاين امتوني

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017