اَللّـهُمَّ كُنْ لِوَلِيِّكَ الْحُجَّةِ بْنِ الْحَسَنِ صَلَواتُكَ عَلَيْهِ وَعَلى آبائِه في هذِهِ السَّاعَةِ وَفي كُلِّ ساعَة وَلِيّاً وَحافِظاً وَقائِداً وَناصِراً وَدَليلاً وَعَيْنا حَتّى تُسْكِنَهُ اَرْضَكَ طَوْعاً وَتُمَتِّعَهُ فيها طَويلاً

الشعر الشعبي

المشايه والأربعين

المشايه والأربعين

كامل السعيدي

اليوم زوار اعتنينه الكَبته حسين عايش بينه		نزحف زحوف اونطب الحضرته والله ما ناسينه

جينه مشايه الك يبن البتول ياسفينة حبنه ياسبط الرسول والله يامولاي جننت العقول
والموالي اعليك زادت ونته		نزحف زحوف اونطب الحضرته

حسين عنوان المكارم والوفاء أوقبلة الأسلام صارت كربلاء للموالين اصبحت مركز لقاء
تجذب العشاق ضلت تربته		نزحف زحوف اونطب الحضرته

حسين علمنه الصبر والتضحيات للموالي حسين مفتاح النجات وياه عشنه احرار طلكَنه الحيات
حكَه عابس يوم جن بمحبته		نزحف زحوف اونطب الحضرته

يسري بعروقي شرف حب الحسين وسمه خطيته على اوراق الجبين كل سنه اتعناه ابيوم الاربعين
والله ما اترك طريق ازيارته		نزحف زحوف اونطب الحضرته

دمعي يجري اوبيدي شايل رايه امشي ورجع اخدم المشايه احنه شيعت حيدر الوفايه
نخدم حسين انتباهه ابخدمته		نزحف زحوف اونطب الحضرته

نقسم ابجفين عباس الشهيد مانعوف حسين حد كَطع الوريد مانهم بتباع مروان اويزيد
مانهاب الموت نادت شيعته		نزحف زحوف اونطب الحضرته

ثورة حسين أنطت العالم دروس بيها عبره وأحيت اهوايه نفوس علمانه حسين عالضالم ندوس
خالده الهل يوم ضلت ثورته		نزحف زحوف اونطب الحضرته

الشعر الشعبي

تاريخ الإنشاء: ٢٠١٨/٠٤/٣٠

المشاهدات: ٢.٢ K

التعليقات: ٠

الكاتب: كامل السعيدي

النشر:

التعليقات:

لا توجد تعليقات.