أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الصفحة الرئيسية » المكتبة الأدبية المهدوية » الشعر الشعبي » يا ثار البعد تنتظره يالموعود
 الشعر الشعبي

المقالات يا ثار البعد تنتظره يالموعود

القسم القسم: الشعر الشعبي الشخص الكاتب: أمجد صاحب الشطري تاريخ الإضافة تاريخ الإضافة: ٢٠١٨/٠١/٠٣ المشاهدات المشاهدات: ٢٢ التعليقات التعليقات: ٠

يا ثار البعد تنتظره يالموعود

أمجد صاحب الشطري

يا ثار البعد تنتظره يالموعود

بعد ما ظل صبر يالمهدي بالجلمود

 

وإحنه الحضرتك شيمه و خدم وإجنود

إنت البلعدل هالدنيه تمليها

 

 

 

إنكسر ضلع الزجيه سيدي بالباب

وطبروا حيدرك والشاهد المحراب

وبجبد الحسن ما تدري لمن غاب

ما ظل شيعتك ذرة صبر بيها

 

إنت البلعدل هالدنيه تمليها

 

 

 

عباس البطل قطعوا جفينه

حسين إبكربله حرقوا صواوينه

صاح إبصوت عالي المنتظر وينه

مو كل الأمم يبست شواطيها

 

إنت البلعدل هالدنيه تمليها

 

 

 

حقد أهل الدجل ظلوا يكفرونه

ننسه حب علي الكرار يردونه

وما قدروا يبو صالح يغيرونه

وتعله إشما علت فوقك معاليها

 

إنت البلعدل هالدنيه تمليها

 

 

 

يبن فارس بدر حيدر علي الكرار

يمته إتجرد إبوجه العده الفقار

وإتصيح ابعلات الصوت وين الثار

وصولات الوصي يمته تراويها

 

إنت البلعدل هالدنيه تمليها

 

 

 

يمته للعوالم ترجع الآمال

وما يربح يغايب كل دجّال

إنت التحدي بينه مو ألف جمّال

وراية حيدره إبجفك تعليها

 

إنت البلعدل هالدنيه تمليها

 

 

 

متنه امن الصبر يبن الحسن يا يوم

إبسيفك عالعده يالمهدي يمته إتقوم

يهتف جم يتيم الليله جم مظلوم

تتنطر طلعتك وإنت تدريها

 

إنت البلعدل هالدنيه تمليها

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016