أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات عجب يالغايب الحاضر

القسم القسم: الشعر الشعبي الشخص الكاتب: عبد الخالق المحنة تاريخ الإضافة تاريخ الإضافة: ٢٠١٨/٠١/٠٣ المشاهدات المشاهدات: ٢٤١ التعليقات التعليقات: ٠

عجب يالغايب الحاضر

السيد عبد الخالق المحنة

عجب يالغايب الحاضر وإنقلك يغايبها

 

تندبك شيعتك كل يوم إلك ثارات تطلبها

 

 

 

عرفنه إيعود كل غايب مهما طول إغيابه
تعال الباب ينتظرك يريد إيسمعه إعتابه
تعال وشاهد المحراب إسأله وإسمع إجوابه

يجاوب لمن إتسأله

 

عن هامت أبو الحمله

مصيبه إعليك مو سهله

وأصحاب السقيفه اليوم غيرك من يحاسبها

 

تندبك شيعتك كل يوم إلك ثارات تطلبها

 

 

 

شيعتكم يبو صالح عله الثارات ملهوفه
يغايب ما عرفنه العيد يمته إهلالك إنشوفه
الحلم يمته حقيقه إيصير ويفرح مسجد الكوفه

نشوف إبجفك الرايه

 

يمهدي ونوصل الغايه

نروح إوياك مشايه

نوصل كربله وزينب تشرح لك مصايبها

 

تندبك شيعتك كل يوم إلك ثارات تطلبها

 

 

 

نروح القبر أبو اليمه لمن نوصل القبره
إهناك إنشوف عبدالله متوسد على صدره
نجيب الماي وإنشربه وإنشاهد سهم نحره

إشحال الينذبح بيده

 

ضامي وينظر إوليده

يا صبر الذي إيفيده

من رد بيه للمخيم إجت أمه إشيجاوبها

 

تندبك شيعتك كل يوم إلك ثارات تطلبها

 

 

 

نروح العمك العباس نشرب ماي من جوده
ومن إنشوف سهم العين وجوب إنقبل إزنوده
بعدهي الرايه يالمهدي عد عباس موجوده

لا هيهات ينطيها

 

إله بأيد راعيها

وبجفك تعليها

إخذها وصيح يا عباس وصول إبزود صاحبها

 

تندبك شيعتك كل يوم إلك ثارات تطلبها

 

 

 

يالمهدي ونروح إوياك يم زينب نناشدها
من هجمت عليها الخيل يا حامي اليساعدها
ويوم الجابوا الهزل إسأل منهو صعدها

ويوم السعرت إخيمها

 

حيدر ماحضر يمها

وجم صوت اليألمها

عجب ما ينهض العباس والشامت يسلبها

 

تندبك شيعتك كل يوم إلك ثارات تطلبها

 

 

 

يالمهدي ونرد للدار وإنشوف الحصل بالدار
بلكت نجبر المكسور لمن نشلع المسمار
منهو اللي شتم أمك نشوف ومنهو شب النار

يا ظالم إجه وما رد

 

يا جف العليها إمتد

يفور الدم ولا يبرد

نشوف الضلع لو محسن يا جرح اليعذبها

 

تندبك شيعتك كل يوم إلك ثارات تطلبها

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016