أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات سألت المجيب.. يعود الحبيب

القسم القسم: الشعر الشعبي الشخص الكاتب: عبد الخالق المحنة تاريخ الإضافة تاريخ الإضافة: ٢٠١٨/٠١/٠٣ المشاهدات المشاهدات: ٢٨٨ التعليقات التعليقات: ٠

سألت المجيب.. يعود الحبيب

السيد عبد الخالق المحنة

سألت المجيب

 

يعود الحبيب

يغايب تعال

 

 

 

يجيني الليل وأنتظرك فجر تطلع

يصلي كل جرح لو أذن المدمع

تعال ومن تجي عرش الحزن يركع

وأقلك يا فرح لو جيت لا ترجع

صبر ما يفيد

دعائي الغريب

 

حبيبي بعيد

سألت المجيب

 

 

 

إذا يفرح عذولي إشلون ما أزعل

يقول إغياب مهديكم عجب طّول

إذا فعلاً يحبك خل يجي ويسأل

أبد ما أيست والشوفك أتأمل

حلم ما يروح

جرح ما يطيب

 

سكن بالجروح

سألت المجيب

 

 

 

يصير إمن المهد أنتظرك القبري

وأقولن بإنتظارك خلصت عمري

إذا صاح الجرح ما يسكت إبصبري

وأحس يمي تشاهد دمعتي التجري

دموع إنتظار

شروق ومغيب

 

أعيش إعله نار

سألت المجيب

 

 

 

رجع يوسف بعد غيبه يمهدينه

فرح يعقوب بإبنه وفتحت عينه

مته ياللي رحت عنه ترد لينه

يناشدني عذولي غايبك وينه

أجاوب يعود

دواء وطبيب

 

يوفي الوعود

سألت المجيب

 

 

 

شفت أصدق عباره إجروحي من تكتب

شفت أصعب عتاب إدموعي من تعتب

أنا وجرحي و دموعي كل وكت نندب

حسبنه إشقد حسبنه وهم بعد نحسب

إجيتك جريح

يصبري العجيب

 

دخيلك أصيح

سألت المجيب

 

 

 

تناديك الزجيه وإستمع ونها

وأنا وني عليها مو أقل منها

يأذني الجروح اللي يأذنها

أريد إوياي أروح إنشوف محسنها

أشوف الجنين

يصير النحيب

 

وأواسي الحزين

سألت المجيب

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016