أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات يا موعود يوم الثار حل يومه

القسم القسم: الشعر الشعبي الشخص الكاتب: السيد سعيد الصافي تاريخ الإضافة تاريخ الإضافة: ٢٠١٨/٠٢/١٥ المشاهدات المشاهدات: ٣١٤ التعليقات التعليقات: ٠

يا موعود يوم الثار حل يومه

السيد سعيد الصافي

يا موعود يوم الثار حل يومه

 

يا موعود يوم الثار حل يومه

 

 

 

نترجاك يالموعدك رباني

يا موعود كافي الصبر شمتاني

قوم و شوف بعيونك السفياني

حاقد جاي و اعلينه زاع اسمومه

 

يا موعود يوم الثار حل يومه

 

 

 

تعلم زين باللي جره ابسامره

واليردون من حب علي نتبره

لا والله لو متنه ميت مره

داحي الباب بدمانه حبه انسومه

 

يا موعود يوم الثار حل يومه

 

 

 

كلما صار عندك علم بخباره

يوم الباب طول الوكت آثاره

يالموعود وبكل ضلع مسماره

يوم الصاب ضلع أمك المظلومه

 

يا موعود يوم الثار حل يومه

 

 

 

وعدك حان و احنه نريدك تظهر

صوت الثار أذن ابدارك كبّر

صيح اشلون مرقد ابوك اتفجر

والأسباب يبن الحسن معلومه

 

يا موعود يوم الثار حل يومه

 

 

 

جيش ايزيد لينه رجع بطباعه

ويبغضون حيدر علي وأتباعه

وإحنه انصيح حلت يمهدي الساعه

وإبن ازياد للذبح حشد قومه

 

يا موعود يوم الثار حل يومه

 

 

 

صيح ابصوت يا جبد جدي و نحره

قلهم ليش بالخيل داسوا صدره

ثالث يوم و بلا دفن عالغبره

صيح حسين مسلوبه ليش اهدومه

 

يا موعود يوم الثار حل يومه

 

 

 

وراعي الجود عن جوده إنشد وينه

قلهم وين سهم اللي صوب عينه

وإخذ ابثار راعي الوفه وجفينه

حزني اعليج يا زينب المهضومه

 

يا موعود يوم الثار حل يومه

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *
 

Copyright© 2004-2013 M-mahdi.com All Rights Reserved