أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات يغايبنه

القسم القسم: الشعر الشعبي الشخص الكاتب: عبد الخالق المحنة تاريخ الإضافة تاريخ الإضافة: ٢٠١٣/٠٦/١٣ المشاهدات المشاهدات: ٤١٤٩ التعليقات التعليقات: ٠

يغايبنه

عبد الخالق المحنة

يغايبنه بخطر أصبح وضعنه

 

وغيابك فجعنه

 الك يبن الحسن اخر دمعنه

 

اشهد بالضماير ماغبت موجود وتشوف المصايب
لاكن طلعتك غايته يالموعد مشتاقه الحبايب
لابد لليغيب من الغياب يعود نتأمل يغايب
قالو هذي بدعه ولسه ماموجود نسمع هالعجايب

مايؤمن حسودك

اشكال بغيبتك شفنه وسمعنه

 

ظل ينكر وجودك

الك يبن الحسن اخر دمعنه

 

يغايب والجروح بشوفتك تلتم وترد الكرامه
الك تحله الفراسه وسيف الموزم وتلوق الزعامه
يمهدينه وضريح العسكري تهدم صار شچم علامه
بقه بنفس الحقد چف السقاه السم عاود بانتقامه

وتنوح المناره

تنادي ابين عدوانك وقعنه

 

تكفيك الأشارة

الك يبن الحسن اخر دمعنه

 

بقينه عله الموعد ونجمع الاخبار صارت بينه حاله
مثل الباسفينه وهاجمه الاعصار والحوت اعتناله
مابين البحر والحوت محتار والموت احتماله
أيس لامفر من حاطته الاخطار يبعثلك رساله

يصيح لثارك تگوم

وگت الموزمه تفرق جمعنه

 

يبن المصطفه اليوم

الك يبن الحسن اخر دمعنه

 

 شفت ساعة ظهورك نحسبلهه حساب عنوان وقضيه
ثاراتك تصيح وكل دليل انصاب نذكر بارزيه
اول ثار الك من طبرة المحراب لو بالغاضريه
لو بأول مصيبه وتبتدي من الباب وبضلع الزچيه

بيدك ياذخرهه

من يوم الضلع ماخف وجعنه

 

خل يجبر كسرهه

الك يبن الحسن اخر دمعنه

 

متى هلال الفرج ونشوفه يالمحبوب وانودع حزنه
الك شابح نظرنه بلهفة المصيوب يا آخر املنه
صفت غابه الحياة وغالب او مغلوب وي قلة عددنه
مكتوب انتظارك والحزن مكتوب مانخلف عهدنه

نصيح بكل قناعه

جزع حته الصبر بس ماجزعنه

 

الك سمعا وطاعه

الك يبن الحسن اخر دمعنه

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016