أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات ياحسين اجينا

القسم القسم: الشعر الشعبي الشخص الكاتب: صفاء دفاع الرميثي التاريخ التاريخ: ٢٠١٨/٠١/٣١ المشاهدات المشاهدات: ١٦٠٩ التعليقات التعليقات: ٠

ياحسين اجينا

صفاء دفاع الرميثي

يا حسين اجينا

سائرين اجينا

 

زائرين اجينا

عاشقين اجينا

 

 

 

ياحسين زيارتك تحيينا

تعشگ آثار درب رجلينه

من طلعنه لكربله اتوضينه

ابصلاة محبتك صلينه

والجوامع تحضن احبابك

ما حد شاف مثلك

مخلوقين لجلك

 

والضمائر والمشاعر تلتقي ابابك

جينه انريد انوصلك

طينك خوش طينه

 

 

 

اشلون لمه وزيارة أسبابها

تلتقي احباب الگلب بأحبابها

فتحت بيوت الخدم أبوابها

والمواكب عامره بأصحابها

والحبايب من تراقب تحمي زوارك

ياحبيب ربك

مانعوف دربك

 

احنه ضيفك يالمضيفك يرضي خطارك

يالمضيف شعبك

يالتعيش بينه

 

 

 

أربعينك بيها غايه وغايه

شفنه شايب محني ظهره اهوايه

بيده عكازة ابمثابه رايه

صاح لرايح للولي مشايه

ابهذا عمره ومحني ظهره طالع ايزورك

محني بیك ظهره

شايل خوش فطره

 

عنده فطره بذاك زغره ذايب ابنورك

ناذر ليك عمره

حافظ بيك دينه

 

 

 

شفنه بالموكب عجوزه اموقره

تخدم زوار والمدمع جره

خوش وگفت وي طاهره

والها توگف فاطمه بالاخره

ماكو زاير يبقى حاير والخدم يمه

شوف اشلون خدمه

هیه اتصیح یمه

 

هذه حرمه مثل امه وگفت ابخدمه

کلها اتصیر لمه

تجري ادموع عینه

 

 

 

شفنه اطفال اشحالة انفوسها

شايل انواع صواني ابروسها

ودها تنزل عالجدم واتبوسها

ودها زوار الحسين اتدوسها

والعجايب بالمواكب من نشاهدها

هاي اطفال طلعت

وزوار شبعت

 

مانوفي ولانكفي لو نعددها

عالرجلين ركعت

وين جاي وينه

 

 

 

يالذي يومك عظيم أوصافه

چم مریض ابدربك التشافه

گام يمشي بيه شلل بأطرافه

چم شخص اطرش نطق بشفافه

والكرامة للإمامه من أمر ربك

دربك صار مشفى

والمعلول یشفه

 

والتشافه والتعافه من دوه حبك

حبك چان وصفه

وين جاي وينه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017