أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات دموع الأياب

القسم القسم: الشعر الشعبي الشخص الكاتب: السيد زكي الياسري النجفي التاريخ التاريخ: ٢٠١٨/٠٢/٢٨ المشاهدات المشاهدات: ١٥٣١ التعليقات التعليقات: ٠

دموع الأياب

السيد زكي الياسري

بدموع الفجيعه

جينه يخويه الكربله بيوم اربعينك

 

والحاله الفضيعه
جينه يخويه الكربله بيوم اربعينك

 

 

 

يحسين اجينه... يبن الحنينه... يا خويه عشرين ابصفر يوم التلاقي
يحسين اجينه... تسمع بجينه؟... بدال الدمع يجري دمه من المآقي
يحسين اجينه... كَبرك لكَينه... كل وحده نادت هاك اخذ صوت اشتياقي
يحسين اجينه... جسمك رهينه... بالغاضريه بالترب يا خويه باقي

زينب اختك آني

خويه اسمعت من منحرك نبرة ونينك

 

بدمعي وكل كياني

جينه يخويه الكربله بيوم اربعينك

 

 

 

يبن الاطايب... ذني الغرايب... يم تربتك يبن النبي نصبن عزيه
بالتربه طافن... بلجن يوافن... ياخويه بدموع الالم حزن الزجيه
صاحن يغالي... انهض يوالي... وامسح دموع العايله بالغاضريه
تنهض يريتك... تقبل حميتك؟؟... يسبونه للشام ابظلم ازلام اميه؟

يحسين انسبينه

شفنه العجايب من بعد كَطعة وتينك

 

عكَبك يا ولينه

جينه يخويه الكربله بيوم اربعينك

 

 

 

رمله ويه جاسم... رسمت علايم... يم كَبره كَامت تنتحب ذكرت زفافه
اسمع تنادي... آيا ودادي... يوليدي حناك الدمه ابسيف الجلافه
ليلى اويه لكبَر... جسمه تعفر... شبه النبي ابخلق وخلُق غايب حسافه
صاحت ييمه... يليضوي رسمه... شلون انسه يا بعد الاهل ذيج اللطافه

مذبوحه الشبيبه

واتوذرت فوكَ الترب خيرة بنينك

 

بسيوف المصيبه

يحسين اجينه الكربله بيوم اربعينك

 

 

 

اصل المصيبه... يبن الحبيبه... بمهجة علي من نبتوا اغدر مخالب
اهل السقيفه... خلو خليفه... تاليهه صارت مملكه بيد النواصب
شفنه العجايب... من هلكتايب... ياخويه هاك اخذ الخبر شفنه العجايب
حركَو خيمنه.. سلبو حرمنه ...خويه كَمر هاشم وسف عن ذوله غايب

اصحاب السقيفه

من سكَطوا محسن اصل ذبحت جنينك

 

زمره مو نضيفه

جينه يخويه الكربله بيوم اربعينك

 

 

 

جينه ابأسانه... وبعنفوانه... طيف الاسى يشرح الك صورة سبينه
صح سلبونه... صح يسرونه... لكن ابد ما صح لهم خويه لوينه
شام الخيانه... تزلزل كيانه... بيدي يخويه زلزلت عرش الضغينه
صورة خلودك... ثورة صمودك... شما تقسه موجات الدهر انته السفينه

يحسين القياده

من اشرقت شمس الكرامه ابحد يقينك

 

ودموع السياده

يحسين اجينه الكربله ابيوم اربعينك

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017