أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات رديت الك هاليوم

القسم القسم: الشعر الشعبي الشخص الكاتب: السيد عدنان الحمامي التاريخ التاريخ: ٢٠١٨/٠٢/٢٨ المشاهدات المشاهدات: ١٥١١ التعليقات التعليقات: ٠

رديت الك هاليوم

السيد عدنان الحمامي

رديت الك هاليوم

مظلومه يم مظلوم

انشد رقيه وين

 

خويه ياخويه

خويه ياخويه

واسيني خويه حسين

 

 

 

خويه حن گلبي يريدك فرگتك صعبه عليّه
خويه والشام وجمرته تسعر الهل الساعه بيّه
انشد اويايه اجتي ابها الضعن بنتك رقيه
ابمجلس الظالم اخبرك خويه وافتها المنيه

انشدني هم تنظام

ضربوها هالظلام

مسودة ألمتنين

 

خويه ياخويه
خويه ياخويه
واسيني خويه حسين

 

 

 

تدري من عفتك يخويه وآنه للشامت أسيره
ابلوعتي ابظيمي العليّه امصيبتي امصيبه چبيره
مارحم بينه عدوك ظالم وماعنده غيره
راسك ابرمحه يرفعه اعليّه كل ساعه يديره

لا رحم عدها الناس

ابكل رمح رفعوا راس

وآنه اصد بالعين

 

خويه ياخويه
خويه ياخويه
واسيني خويه حسين

 

 

 

الهزل رحنه يتامه واليتامه ابلايه والي
خويه مدري اعليهم أبچي خويه لو أبچي اعله حالي
آنه أخت عباس اگولن مانظر واحد خيالي
واصبحت بيد الشماته ابهظمتي وجور اليالي

لختك تصد اعيون

للكوفه امشي اشلون

او بحبال مچتوفين

 

خويه ياخويه
خويه ياخويه
واسيني خويه حسين

 

 

 

تبچي يحسين اعله حالي لو شفت حال الغريبه
هاي اخت عباس گالوا تنسبي ولله عجيبه
وآنه متوشحه ابظيمي وأنچوي ابنار المصيبه
كل بدر عن عيني غايب طوّل اعليه مغيبه

راح اصفكت بالراح

ومنين اجيب الراح

عباس اجيبه امنين

 

خويه ياخويه

خويه ياخويه

واسيني خويه حسين

 

 

 

آنه والهاظمني خويه من گمر هاشم فگدته
امدللـه ايباريني هوه اعزيزه عنده زينب اخته
وأنهدم سور العليه ابلا چفوف ابعيني شفته
وراسه وياي اعله رمحه او جثه يم الشاطي عفته

يم الچفوف ابچيت

بيد القدر ظليت

واحظنت للچفين

 

خويه ياخويه
خويه ياخويه
واسيني خويه حسين

 

 

 

خويه شبان الهواشم ياگبر غيّب بدرهم
ردنه ننصب هالمناحه والعزه الليله ابكترهم
وينه جسام الشباب او وينه الاكبر أرد اشمهم
وآنه عمتهم يخويه ارد اظل هالليله يمهم

عبد الله عفته اهناه

دليني وين الگاه

ابيا لحد صاير وين

 

خويه ياخويه
خويه ياخويه
واسيني خويه حسين

 

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017