سلام الله على زينب غريبة ابكربله

كل موالي الليلة ناده

وبالالم صوته اعتله

سلام الله على زينب غريبة ابكربله

زينب وقصة طويلة انكتبت بجمر الحروف
تبتدي القصة الحزينة من مشت لرض الطفوف
شافت اهوال ومآسي مرت بأصعب ظروف
اگرب الناس لگلبهة منذبح دامي تشوف

ذبحوا حسين وعضيده والگلب هم امتله

سلام الله على زينب غريبة ابكربله

قصة من وحي الحقيقة مو نسج من الخيال
حايرة بالطف تنادي ولا اخو ايرد السؤال
باليسر تمشي غريبة من بعد عز ودلال
من درب لاخر سبية زينب اتشد الرحال

آه واويلاه على بت فاطمة وعقد الوله

سلام الله على زينب غريبة ابكربله

شافت ادموع اليتامه امن العطش تهمل تسيل
وسمعت اصوات الارامل بالخيم تبچي ابعويل
ظلت ابحيرة العقيلة نادت احضر يالكفيل
ناده عد عينچ يعمة بونه جاوبهة العليل

هذا حال الحرة زينب والمدامع هامله

سلام الله على زينب غريبة ابكربله

والطفل عبد الله يصرخ ضامي ولشربه يريد
وحرملة شافت يصوب نحره والحسرة تزيد
والشمر يذبح اخوهة شافتة ايحز الوريد
وين ابو فاضل خويّة وسفة ما يدري العضيد

بكربله شافت اهلهة عالترب مجتله

سلام الله على زينب غريبة ابكربله

من مثل زينب تحده للرجس رغم العذاب
دخلت لديوانه صاحت ابتحدي مو عتاب
كد بكيدك واسعه سعيك نادتة بهذا الخطاب
لا ولن تمحي ذكرنه لا وحگ رب الكتاب

كل حرف هز الخليفة والكيانه زلزله

سلام الله على زينب غريبة ابكربله

ردت الدرب المصيبة لكربله اتون وتنوح
تشتكي همهة لاخوهة گعدت اتعدله الجروح
للغرب يبن امي ترضه اميسرة اختك تروح
زينب آنة ام المصايب چن جسد ابلايه روح

تودع اخوتهة العقيلة حسين وراعي المرجله

سلام الله على زينب غريبة ابكربله