العينُ عيونُ الأيتام

العينُ عيونُ الإيتام

ألفٌ لأسري

والباءُ بكاءُ الأيام

والسينُ سيري

أُسبى لأرضِ الشام

هالإسم ساكن إبروحي لهالسبب أصبح هويه
وياي عاش ولليتامه بيه ألف معنه وقضيه
ساير بگلبي ومحنتي من مصاب الغاضريه
ظل يشد حيلي من أذكره لمن أخذوني سبيه

فالرأسُ على الرمحِ يُدار

فكم يُعاني

كي يدفع عني الأخطار

حينَ يراني

أُسبى لأرضِ الشام

گلي عند عيناچ يختي لهالعهد يوميه أذكر
والچفلني وفه وعده هسه دور الگلب يصبر
مچتفه إبگطعت چفوفه وسهم عينه وراد أكثر
غيرته إبراسه چفيلي لهالسبب ظل راسه يگطر

ويقيني أنَ الأعداء

فهو إبنُ حيدر

تخشاهُ بُرغمِ الأرزاء
والله ُ قّدر

أُسبى لأرضِ الشام

خطوه خطوه وياي جرحي والگلب بالحزن ذايب
ليل كل عمري أشوفه وچم گمر عن ليلي غايب
لهالسبب وأسباب كثره من عظم هاي النوايب
أصبحن إسمين عندي زينب وأم المصايب

البعضُ بوحي الإحساس

الحزنُ واحد

أسماني أُختَ العباس
والله ُشاهد

أُسبى لأرضِ الشام

ليل وإعيون الرزايا موعد إبيوم القيامه هذا حتمي ومو تمني
أمي تحضرني وتجازي صاحب الغيره الكفلني
ترفع إچفوفه وتنادي ويبتدي بالروح وني
إبيا ذنب گطعوا چفوفك يالفديت إبروحك إبني

هذا ميقاتٌ معلوم

تلگ سنيني

هذا نصرٌ للمظلوم
قربانُ ديني

أُسبى لأرضِ الشام