جينه ووصلنه ونريد أهلنه

جينه ووصلنه

ونريد أهلنه

طالت ليالي النايبة وردَّت حرم وايتام
تصرخ رجعنا من السبي بالمحنة والآلام
فرگة اهلنا على الگلب اصعب وأشد أيام
ما نعرف الكُثرة اشد لو نايبات الشام

للهم حملنه

ونريد أهلنه

احنا أهل بيت الوحي واحنا بنات خدور
عفنا الجثث فوگ الأرض تجري وتسيل نحور
رحنا بيسر عفنا الاهل فوگ ارمال بدور
و اليوم اجنيا لكربله وماشفنا غير گبور

قرّب أجلنه

ونريد أهلنه

للطف عسانا لا وصلنا ولا رجعنا اليوم
المن بعد نشكي الهضم المن نبث هموم
هذا الدهر طبع الدهر ما يرحم المالوم
حگي اصبر الفاجعة حيث الامر محتوم

بالطف نزلنه

وانريد اهلنه

عيلة وغدر بينا الدهر صوبنا سهم البين
المن بعد ننطي الوجه نمشي وندير العين
لا ظل علي العلي اكبر لا جاسم ولا حسين
حتى الكفلنا على النهر عفنا بلا چفين

نريد الكفلنه

ونريد أهلنه