اَللّـهُمَّ كُنْ لِوَلِيِّكَ الْحُجَّةِ بْنِ الْحَسَنِ صَلَواتُكَ عَلَيْهِ وَعَلى آبائِه في هذِهِ السَّاعَةِ وَفي كُلِّ ساعَة وَلِيّاً وَحافِظاً وَقائِداً وَناصِراً وَدَليلاً وَعَيْنا حَتّى تُسْكِنَهُ اَرْضَكَ طَوْعاً وَتُمَتِّعَهُ فيها طَويلاً

الشعر الشعبي

خذ ولائي كربلائي

خذ ولائي كربلائي

السيد عبد الخالق المحنة

خذ ولائي لو تعبن الرجلين		كربلائي اوصل زحف لحسين

مجنون وحُبك علمني ما ساوم واخضع هيهات هيهات الذِّلة اتعاشرني والمات ابدربك ما مات چم طاغي الحاول يمنعني وارفع رايات الثارات لبيك الحد گطع المنحر صوت الدم يصنع ثورات
في دمائي اثبت اصول الدين		يا رجائي اوصل زحف لحسين

شايل يوم الطف بعيوني وابچفني اتنام الاحزان نتعلم من هذا المنبر نصنع ثورة على الطغيان ملتزمين بهاي الخدمة بس هالخدمة اتعلي الشان وحسين اليرفع خدّامه وايخلي الخادم سُلطان
في حياتي وي لهفت الماشين		او مماتي اوصل زحف لحسين

مشايه اتگصدك أنصارك عالعاده ورغم الأخطار كل گطره السالت من نحرك انشودة ابدرب الأحرار كل دمعه ابدربك محسوبه وابكل خطوة انصيح الثآر ويتمنه العباس اچفوفه من يسمع صوت الزوار
لاح ضيفي وينادي دمع العين		اين كفي اوصل زحف لحسين

وابدرب الطف لاحت رايه رفّت بأكثر من تصريح تهتف لبيك وثار الله وين اتميل يهب الريح رايه وچف حيدر لازمها من اطيح الگاع اطيح اصغي واسمع صوت الرايه وينك ها يالمهدي اتصيح
شبلُ حيدر وينادي بالضلعين		حين يظهر اوصل زحف لحسين

مولاي ابخدمة زوارك صارت محسوده الخدّام كل ظنه الظالم يرهبني من صدّر حكم الاعدام اتلگه الزاير بدموعي هاك ارموشي اتغطه وانام اتشرف بتراب اجدامك وصفه اترابك للآلام
قطعُ نحري وينه المنعني وين		تاجُ فخري اوصل زحف لحسين

من ابعيد الگبرك امشي واسبح من دمعي المسفوح واسمع صوت يجر ابروحي وچف مگطوع هناك يلوح يستقبل زينب والعيله والموعد يم المذبوح وانواسي السجاد ابصبره وانداوي الگلب المجروح
صاح قلبي لو بالعمر يومين		اي وربي اوصل زحف لحسين

الشعر الشعبي

تاريخ الإنشاء: ٢٠١٨/٠٩/٣٠

المشاهدات: ٢.٦ K

التعليقات: ٠

الكاتب: السيد عبد الخالق المحنّة

النشر:

التعليقات:

لا توجد تعليقات.