اَللّـهُمَّ كُنْ لِوَلِيِّكَ الْحُجَّةِ بْنِ الْحَسَنِ صَلَواتُكَ عَلَيْهِ وَعَلى آبائِه في هذِهِ السَّاعَةِ وَفي كُلِّ ساعَة وَلِيّاً وَحافِظاً وَقائِداً وَناصِراً وَدَليلاً وَعَيْنا حَتّى تُسْكِنَهُ اَرْضَكَ طَوْعاً وَتُمَتِّعَهُ فيها طَويلاً

الشعر الشعبي

الأربعين

الأربعين

آيار الحلفي

گلبي ابأربعينه إعله الاخو ابحسره		أريد اوصل وشوف ابيا كتر گبره

فاركته اوتركته اموسّد التربان محزوز النحر متوسط الميدان تدوس اخيول اميّه اوتسحك الجثمان
وصحابه اوهله متمدّده ابكتره		أريد اوصل وشوف ابيا كتر گبره

إجينه امحمّلين اعتاب اله اوشكوه أريد اوصل وذكره ابچلمة الخوّه وگله من تركتك والله بالكوّه
روعني الدعي وتيسّرت بمره		أريد اوصل وشوف ابيا كتر گبره

يحسين الوكت مال اوفتگ بيّه او يهد أكبر جبل ظيم الجره اعليّه جنت امخدّره اوصبحت مسبيّه
إوفكد گلبي الصبر يوم الفگد خدره		أريد اوصل وشوف ابيا كتر گبره

يا خويه اوحياتك ما غفت عيني كلما سلهمت ذكرك يصحيني وحك جلمة الخوه البينك اوبيني
مثلك خاطري حز العدو نحره		أريد اوصل وشوف ابيا كتر گبره

إجيت انشد عليهم وين خوّاني بلكي ابشوفة اهلي ايخفن احزاني آنه ام الحزن والدمعه عنواني
اوگلبي اعله المحن محد صبر صبره		أريد اوصل وشوف ابيا كتر گبره

حاچيت الحده ابضعني اوسره بينه اوگلفته يمر بگبور اهالينه اومن شفنه الطفوف ابحرگه نادينه
يهل الزود اجتكم زينب الحرّه		أريد اوصل وشوف ابيا كتر گبره

وصلت الگبر اخوي اوگرّة اعيوني وصحت يحسين فگدك خيب اضنوني عگبك يا بطل عدواني هظموني
اوليل الهم تماده اوما بزغ فجره		أريد اوصل وشوف ابيا كتر گبره

اوصحت عمه يبو الباقر أريدنك توصلني الأخوي ابن الفحل عمك شفت گبره اوصحت خويه اوصلت يمك
يبو فاضل تلگه اوديعة الزهرة		أريد اوصل وشوف ابيا كتر گبره

الشعر الشعبي

تاريخ الإنشاء: ٢٠١٩/٠١/٢٦

المشاهدات: ٢.٣ K

التعليقات: ٠

الكاتب: آيار الحلفي

النشر:

التعليقات:

لا توجد تعليقات.