للموت وياك

للموت ويّاك يبن حامي الحمه

يحسين يحسين اجينه علعهد
شيعة وموالين ترانه للابد
من دمّك انريد لثورتنه مدد
لجلك يمظلوم نِضَحي بالدمه

لجلك يمظلوم هدية هلعُمر
يحسين للموت نذر عدنه نذر
نلطم على الراس ونلطم علصدر
نترجه مولاي شفاعة فاطمه

يحسين جيناك يبن حيدر علي
و الصوت لبيك تِسِمعه يعتلي
يا نور العيون مدامعنه اْتهَلي
يلتنحب اعليك ملايكة السمه

يا سبط الاسباط ينور ابكربله
جيناك لعيون مدامع هامله
نتذكر اليوم رجوع العايله
عادت بالالآم لراضي الملحمه

جيناك يحسين يناموس الفخر
ويحيط بينه يبو اليمه الخطر
تفجير وارهاب على درب السفر
تمنعنه هيهات فِعال الظالمه

فاز اليواليك يمن حبك غنه
والعاشك ايصيح وصالك جننه
شوف الملايين تِزيد ابكل سنه
يالحبك اشراع سفينة غانمه