اَللّـهُمَّ كُنْ لِوَلِيِّكَ الْحُجَّةِ بْنِ الْحَسَنِ صَلَواتُكَ عَلَيْهِ وَعَلى آبائِه في هذِهِ السَّاعَةِ وَفي كُلِّ ساعَة وَلِيّاً وَحافِظاً وَقائِداً وَناصِراً وَدَليلاً وَعَيْنا حَتّى تُسْكِنَهُ اَرْضَكَ طَوْعاً وَتُمَتِّعَهُ فيها طَويلاً
الشعر الشعبي

ابشعوري انرسمت الصورة

ابشعوري انرسمت الصورة

جابر الكاظمي

ابشعوري انرسمت الصورة و غديت انحب
إجا المهدي إلضريح السيدة زينب
أنا المهدي يگلها والگلب يلهب

بلسان الدمعة يحاجيها

 

وبصرعى الطف يواسيها

 

صلى واندعى وادى الزيارة وزار
وإجا يحاچي گبرها وبضميره النار
يگلها يعينچ الله عالمصاب إلصار

اشلون اصبرتي وشفتي المذبح

 

بيه دم جدي يسيل ويطفح

 

وبيا عين شفتي جسمه الموذر
وبكتره صريعة جثة الأكبر
وجسم جاسم بذار المصرع معفر

والعباس انصابت عينه

 

وعالشاطي انگطعت چفينه

 

اقسم وحق حرمة خدرچ المسلوب
أحس گلبي مثل نار الخيم منشوب
وعد هذا علينا محتم ومكتوب

صابر واتنطر ميعادي

 

انهض وآخذ ثار أجدادي

الشعر الشعبي : ٢٠١٣/٠٦/١٠ : ٥.٠ K : ٠
: جابر الكاظمي
التعليقات:
لا توجد تعليقات.