ليلة مولد الأفراح

هامت بالعشگ هالروح
فارس مجبل من بعيد

شّمت عطرك الفواح
ليلة مولد الافراح

ليلة مولد الافراح

هدية نرجس بهل اليوم
يل المهدي واحس بالروح
شمّت عطرك من ابعيد
شافت نورك الساطع

للعسكري بنص شعبان
تلهث والگلب ولهان
يانفحة عطر رحمان
بيدك مشعل البرهان

بيدك تنقذ الاسلام
بيدك دورة الايام

بيدك كل جرح يلتام
بيدك تحمل المصباح

ليلة مولد الافراح

ليلة مولدك ياحيدر
سبّح كل ملك وردك
يانور وصفات احمد
بسمك ردد القران

يسجد شكر جبرائيل
واحروف الاسم ترتيل
يا قدسية التأويل
والتوراة والانجيل

بسمك كبّر الاذان
بسمك يرجف الميدان

بسمك يلفظ الايمان
فجر الجمعه بسمك صاح

ليلة مولد الافراح

فارس مجبل من ابعيد
تاكل مهرته الوديان
چنهه الراية عنده تگول
مذخور البطل للدين

خيّال وحمل سيفين
مثل المرتضى بصفين
اطلب ثار الف بحسين
ينشر سيفه عل الحدين

ينشر راية المختار
ينشر ثورة الكرار

ينشر واحة الاسرار
قبطان السفن ملاح

ليلة مولد الافراح

بامر الخالق القهار
بيده القلم بيده اللوح
بيده الدنيه بيده الموت
شما مد الدهر لوطال

يكشف غمرة الاسرار
بيده يقّدر الاقدار
بيده الجنه بيده النار
لازم عل الكفر تندار

تفرح بالشهم عتره
تفرح جدته الزهره

تفرح زينب الحره
والظالم صفگ عالراح

ليلة مولد الافراح

سبحانه الجمعنه اليوم
اكتبلك كتاب الروح
بيعة برگبتي وماحول
افديك بحياتي اليوم

ليلة مولد المهدي
للدوم انكتب عهدي
شما ضل الدهر ضدي
لتراب الجدم افدي

بترابك عشگ وينوح
بترابك دوه المجروح

بترابك اخذ هالروح
بترابك حزن ينزاح

ليلة مولد الافراح