يمعبود مته إيعود مهدينه

يمعبود مته إيعود مهدينه

نطرناه عله الآه تدرينه

البدر غاب و لعيون سهرانه

امن لغياب مته ايعود مولانه

نطرناه و لرواح لهفانه

جزه اللوم ولا يوم مر بينه

اعله فرقاه جمر نار متلاهب

إلك ثار يتانيك يالغايب

بلدموع نحاجيه و انعاتب

يمذخور مته النور يلفينه

مته انشوف هالأحلام منشوره

مته اتثور و لسيوف مشهوره

نناديه و القلوب مجموره

الوعد حان و الأشفار بيدينه

الشمر عاد و إجه اردود هالظالم

بالأحقاد يصب جو عالوادم

الحقد ذاك من اسنين متراكم

بالإرهاب إجه ايريد يغزينه

الظلم زاد و الأحقاد جمعوها

للأرقاب موالين غدروها

للأطهار مزارات هدموها

العدو ايريد من القاع يمحينه

إجه ايزيد و لوياه أحفاده

و الإرهاب غده اليوم يتماده

اجه ايريد قطع روس أسياده

ابسهم جور مراميه ترمينه

المحب صار يناديك بدموعه

و إلك رووس عالرماح مرفوعه

إلك ثار و لرقاب مقطوعه

قمر هاي عالكَاع جفينه

امن الأكرام إلك رووس قطعوها

و مصونات عالنوق يسروها

و لخيام عليتام حرقوها

هالأحزان و لهموم تكفينه