اَللّـهُمَّ كُنْ لِوَلِيِّكَ الْحُجَّةِ بْنِ الْحَسَنِ صَلَواتُكَ عَلَيْهِ وَعَلى آبائِه في هذِهِ السَّاعَةِ وَفي كُلِّ ساعَة وَلِيّاً وَحافِظاً وَقائِداً وَناصِراً وَدَليلاً وَعَيْنا حَتّى تُسْكِنَهُ اَرْضَكَ طَوْعاً وَتُمَتِّعَهُ فيها طَويلاً

الشعر الشعبي

وعدك علينه طال وينك يا غايب

وعدك علينه طال وينك يا غايب

جابر الكاظمي

وعدك علينه طال وينك يا غايب		ما عدنه مهجه و روح تحمل مصايب

وينك يمن بحماك عشنه و ربينه واحنه ابهضم و ابجور و شيطح بدينه		غيبتك يالمحجوب طالت علينه دنيانه محنه و نوح دمعه و نوايب

فات و جزه الميعاد فات و جزانه وشيصبر العاداه دهره و زمانه		ابهمها و سهم فرقاك صدنه و رمانه ما يرجع إلنه اجواب و كلما نخاطب

اقضينه العمر ونات ونه اعله ونه جاوبنه يلمحجوب نقطع مظنه		والينطر الموعود جيف ايتهنه لو نشبح العينين و ليك و نراقب

كلما يجينا عام لو يمر بينه واحجاية العذال تصعب علينه		انأيس نقول اردوود لابد يجينه فوق الهجر و النوب و حجي النواصب

شنجاوب اليحجون و شنحضر اجواب هجرك بعد شيفيد وشوده و شجاب		لو قالوا الموعود طول بالغياب بس نايبات و نوح بين الغوالب

يمته الوعد نلقاه يا صاحب الثار ويبن الحسن شتقول هالوعد ما صار		وسط المهج نيران نار اعله من نار وشنهو الجره و شيصير شنهي العواقب

الشعر الشعبي

تاريخ الإنشاء: ٢٠١٣/٠٦/٠٩

المشاهدات: ٤.٤ K

التعليقات: ٠

الكاتب: جابر الكاظمي

النشر:

نسخ الرابط

التعليقات:

لا توجد تعليقات.