مولود ابنصف شعبان

مولود ابنصف شعبان

سبحانه النشر هالنور

نور بنور وجدانه

بالأفلاك سبحانه

مولود إبنصف شعبان لاح إسمه العصمه إهلال
إوهذا النور للإسلاممعرض شرف للأعمال
إولعد بوب الفرج مفتاحإوبيه انعقدت الآمال

ميخيب الأمل منه.. ولائه للخلق جنّه .. يالرآيد هو الجنة

إخذ من طيب هالمولود

وانشغ وردة إحسآنه

فرِع من أصل هذا الدين إونبت عوده إبرياض الدين
يحمل ورد روحاني إوينشر طيب بالكونين
محمد وصف هالمولود ثِقل واستارث الثقلين
المحاسن من وصف ياسين .. الشمائل من بطل صفين.. مثّل ززهرة الجدين

إوعصمة فاطمة إبمعناه

توهي إبنور إيمانه

بيانات الرسل كلها ومصاحفها ورسائلها
روح ابجسم هالمولود والمولود حاملها
يرتّل بالمهد بيها  مثل عيسى ويمثّلها
بفلاك الحلم دوّار.. لبحور العلم مدرار .. محفظ جامع الأسرار

مثل شمس الهدى اعله الكون

يتجّول ابميدانه

مولود إبوجود الكون تِجلّه وإبهّائه إينور
مثِل مصباح أبو الحسنين يزهي إبمسجد المعمور
والنّورين من نور التجلّه الموسى فوكَ الطور
أصل هالنور رباني.. وابعالم الإنساني .. إينورِ إو ما إله ثاني

وإبعين العقيده إتشوف

بالمولود عنوانه

مِن كَالت بله الأرواح هذا النور يتبهلل
إوظل بعالم الأصلاب صُلب الصُلب يتنقل
إنتهى بصلب الحسن حتى تجلّه للهدى مشعل
بيه العالم اتنوّر إودين المصطفى إتعمر إوبيه العين تتبصر

درب العدل وإتشوفه

إودليل العين برهانه

شوصفلك ابها المولود حاير والفكر عجزان
اشلون أجمعلك أوصافه هذا الوصفّه الرحمان
يالرايد معانيه تشاهدها إبضوه القرآن
لساني يكَصر ابوصفه .. اوآياته عليّ كلفه .. رب الصوره ايعرفه

طالع بالكتاب او شوف

شموصف بقرآنه

ندعي إو نسأل المعبود بالمولود و أثماره
يبرد كل قلب مجمور من الدهر واخطاره
ويأيد رجال الدين بأسم الدين واسراره
او يكتبنه خدم للدين .. اونفوز ابنعمة الدارين .. اويعتقنه اعلى حب احسين

او هذا الحب تمسك بيه

نوح اونجه بطوفانه