طال اغيباك يا سيدي

طال اغيابك يا سيدي

يا مهدينه يا مهدينه

يا الغايب كافي اشها الغيبه

كل يوم ونوگع بمصيبه

يا راس الما خضر شيبه

عجل بظهورك ملينه

يا مهدينه يا مهدينه

عجل يالغايب ننتظرك

يا يوم اللي ينفذ صبرك

وامن الباري تطلب أمرك

چم مره البيك اتنخينه

يا مهدينه يا مهدينه

ننخاك وهالطحنه ابشده

بتارك يا يوم اتجرده

والباطل من أصله اتحصده

نتنطّر دنهض نجينه

يا مهدينه يا مهدينه

دنيه وبس الباطل بيها

والله اليستر من تاليها

سيفك يا يوم ايصفيها

جارت هالدنيه اعلينه

يا مهدينه يا مهدينه

چم حاقد باطل تشريعه

گوه ايريد الناس اتطيعه

كل همهم تمزيق الشيعه

واحنه اندبك يا والينه

يا مهدينه يا مهدينه

گلبك يا يوم ايطگ صبره

يا شبل المظلومه الزهره

ضلع أمك غيرك شيجبره

ولو طاب اتظل انياشينه

يا مهدينه يا مهدينه

إنشد ليش امك ظلموها

لاذت عنهم ما حشموها

والباب اعليها دفعوها

اصواب البسمار ايظل بينه

يا مهدينه يا مهدينه