يا مهدينه يا مهدينه... طال غيباك يامهدينه

يا مهدينه يا مهدينه

طال اغيابك يا مهدينه

يالغايب چا وعدك وينه

من كثر اغيابك ملينه

يا محنه الما مرت بينه

كل ساعه اتصوبنه امصيبه

طال اغيابك يا مهدينه

يا يوم الساعه المحتومه

والموعد يتگرب يومه

والرايد يعتب لتلومه

من عگبك ظلينه بريبه

طال اغيابك يا مهدينه

ننشد علطلعه ونسألها

يا يوم الحلّال ايحلها

و الرايه بچفك تحملها

واتوشح بزودك والغيبه

طال اغيابك يا مهدينه

عن موعد يومك نتأمل

واحد للثاني ايظل يسأل

نصبر چم دوب ونتحمل

طالت والموعد شيجيبه

طال اغيابك يا مهدينه

خصمك ظل يسألنه ويفخر

مهديكم غايب ما يظهر

لو يظهر چا ليش اتأخر

يالمهدي وخصمك تدري به

طال اغيابك يا مهدينه

كل سا لن جاحد يسألنه

عنك واردود يألمنه

عگبك چم لوعه اتحملنه

ودهرك ما يخطي بتصويبه

طال اغيابك يا مهدينه

بتارك يا يوم اتسله

بظهورك تكسر هالخله

عگبك عشنه بجور وذله

والحال اتغير ترتيبه

طال اغيابك يا مهدينه