رمز القضيّة
فاخر الدنيناوي
الامام المنتظر رمز القضية
تنطر جيّته أهل الحميه
***
يربّي اجنود اله احسبنه وعدنه
وليمت بيه يتحقق وعدنه
بوجوده الخير حاطانه وعدنه
وبيه دنيه الخلك طيبه وزهيّه
***
زهيه الدنيه بوجوده وفرها
بسبب شخصه النعم الله وفرها
هاك الدّنيه دوّرها وفرها
جذب تلكه مثل ابن الزجيه
***
الزجيّه جدّته والفحل عوده
وشب أعلا المعالي وكبر عوده
الحق لاون تأخر إله عوده
ويزيل اعروش أهل الجاهليه
الجهاله يزيلها والجرح يبرى
وعلى ايده كسرنا يصير يبرى
الراياته الرعب والنصر يبرى
ويخلّي الدين للعالم هويّه
***
هويته منبعه أصله وطيبه
ويشافي همومنه بعلمه وطيبه
تحن الجيّته الكوفه وطيبه
ومكّه والقدس والغاضريه
***
تحن الغاضريه اليوم وصله
يا منبع أساس الجود وصله
عدوّه ما يفيده الصوم وصله
لأن عادى الرّساله الأحمديه
***
