: 
: 
: 
: 
نترجاك ليل انهار يالغايب
نترجاك ليل انهار يالغايب
سعيد الصافي
بين الدمع والحسرة يوم الوعد ننتظره
****
ضاكَت الوسعه او بعد ما نتحمل او كلفه جروح البينه ما أظن تنشل
او كثرت مشاكلنه او ندور عالحل او غيرك يغايبنه اشبعد نتأمّل
كَوم او شوف بينه اشصار يالغايب
حالتنه كلش خطره يوم الوعد ننتظره
*****
لو ردنه نحجي ابرمز لو بالمكشوف ما يخفي عنك تعلم او زين اتشوف
اصبح المنكر غالب اعله المعروف والحكَـ يعيش ابسجن أظلم مجتوف
تعلم زين بالاسرار يالغايب
او بالوضع عندك خبره يوم الوعد ننتظره
*****
يوميه تزهكَـ من الهموم ارواح والتدعي تعمل ابخير واصلاح
وأعله الوضع تحجي ابدموع التمساح كل همها يبن الحسن جمع الارباح
اتبيع الدين بالدولار يالغايب
او ميهمها حال الفقره يوم الوعد ننتظره
يالغايب اغيابك تعده احدوده ليل الظلم انهض او كسر اقيوده
والفتن تدري ابكل كتر موجوده او حشد السفياني علينه اجنوده
جرد السيف واخذ الثار يالغايب
ما نفذ كَلبك صبره يوم الوعد ننتظره