: 
: 
: 
: 
طيف الفرج
طيف الفرج
السيد سعيد الصافي
يا طيف الفرج جم دوب نحلم بيك يمته تصير يقظة وتخلص الشــدة
جم نجمة الكــــــــلاها الليل
وجم شمس البــــــلعها الغيم
وعيون الفجر رمده
وصافحنه جثير جفوف جم جف الطلع خنجر ذبح ودمومنه تحده
انتظرنه تجينه وشايل بجفك امانه ومصحف وورده
عجيبة وسيفك لهل اليوم ما فز نايم بغمده
سيدي يا صاحب الزمان
نزعوا من جلدنة جلود
وأنت شلون سيفك ما نزع جلده
صبرنة ومية الف ماعون تدري انترس واتبدّه
عشنة وية الزمان عظام نتوسد جليدة ونلتحف برده
خجل حتى الصخر من شاف حالتنه وجبين الوكت ما ساعة استحه وندّه
مو عيب وحياتك لو تنخينه وطلبنه الغوث والنجده
خو ندري اليريد يغيب يرجع من بعد مدّه
يا غايب المثلك غاب
ما رد الهلَه ولا تعلم بوعده
حصدوا عنبر المعروف والباطل تشلبه علة المنابر سيدي وسدّه
جـــــــــــــــــــــــزر بينا الزمان سنين وما يوم الطفح مَــــــــــــــــــــدّه
وعفانة شلون عدنه كلوب من كثر الصبر جلده
ما تقبل ذليله تعيش
روح الجانت عله العزه متعوده