: 
: 
: 
: 
في مناسبة ولادة الامام المهدي
في مناسبة ولادة الامام المهدي عليه السلام
الحاج عبد الواحد نجل مويع الزركَاني
يا حبيبي اشكثر روحي جيّتك تهوه وتريد
ابغير شخصك يا حبيبي هالعمر كَلي اشيفيد
***
ابغير شخصك يا حبيبي لا تظن يسوه العمر
شنهي الغيبة الطويلة سيدي شنهو العذر
الناس كلها ابأمل جيتك يبو صالح تنتظر
ابجيتك تنصر الدينك بي جرح ينزف شديد
***
ابجيتك تنصر الدينك والجرح سيفك دوا
انته يلي الباري خصك محد الجفك لوا
سيدي يبن الصميده كون تنشر للوا
لوبكَه امن الدنيا ساعه والك يكَرب كل بعيد
***
الشيعه تتأمل قدومك سيدي يمته الوصول
الحاط والطاير ابأمرك واليفر سيفك ينول
سيدي يبن الاماجد يا ابن طه الرسول
اعيونّه تربى على دربك والكَلب ما ظن يهيد
***
اعيونه تربى اعلى دربك يا ذخر انته الضمد
اليوم كل الفرح جانه والهضم والهم بعد
اليحضر الهاي الولاده كل وكت حظه سعد
اليحمد ابأسم الائمه اشما حمد حظه يزيد
***