: 
: 
: 
: 
ابن فحل الفحول
ابن فحل الفحول
السيد سعيد الصافي
اهتف اهتف يا هله بالامام المنتظر
يا سمي الرســــول ياابن فحل الفحول
***
يلي نورك هدايـــــة وبيها من الجليــــــل
انته شمس الولايــــة ولليضيع دلـــــــــيل
نصّت اشجم رواية ماكو غيرك مثيل
يلبهيه طلعتك جم كَلب بيها ابتشر
واليضدك جهــــول يا ابن فحل الفحــــــول
***
انته راعي الكرامـــــه وانته عون الفقيـــــر
وانته جسر السلامــــه من عذاب السعــــير
يلختمـــت الامامــــــه بيك حُسن المصــــير
يلي شعت غرتك مثل ما شع الكَمر
تهدي كل العقـــــول ياابن فحل الفحـــــــول
***
يلي غايب علينــــه يمته يكَضي الغياب
اشكَد صبرنه وتنينه كافي لوعه وعــذاب
وكل املنه تجينــــه لو سمعت العتـــــاب
كَوم جرد صارمــك يا شبل فارس مضــر
واخذ ثار البتـــول يا ابن فحل الفحـــول
***
يا املنه ورجانــــا يا عظيم الصفــات
انته حامي حمانـــه سيدي ابن الابـــــاة
ظلمه صارت سمانه وانته عين الحياة
ترضى يا ابن المرتضى الشيعه مرمرها القهر
رد علينه اشتكَول يا ابن فحل الفحول