: 
: 
: 
: 
موال مهدوي: مهدي
موال مهدوي: مهدي
هاني آل زرع
حبّك رضعته انا وآنه بوسط مهدي
إنت درب للمحب لوضل إله مهدي
ما من عبد مبغضك لوصام ابد مهدي
لو قام ليله وسهر ولوحج مية حجه
أعماله كلها هبا ولو جاب ألف حجّة
اتميد الارض لو بكت من دونما حجّه
اصبر يبن حيدره وانه اظل منتظر
الشيعتك والمحب يا سيدي منتظر
كونك يا إبن الحسن في غيبتك منتظر
كم عام احسب واعد طافن عليّ ومر
ما يوم عشنا بهنا ذقنا همومه ومر
انهض وسل صارمك ولقادتك سل ومر
جار الظلم والهضم حتى عصرنا عصر
يمتى يشع بالسّما نورك علينا عصر
نرجوك يا سيدي تنجّينا من هالعصر
ثاراتك الما تعد خلّصها يامهدي